Maratón de Bloque en Teberga

Buenes a toos y toes. Güei actualizo Yo que tengo esto del blog un pocu escaecío pola comodidá de que-y mole a Santi facelo. Voi colga-vos el cartelu de la maratón que se va a cellebrar en El Cantu (Teberga) el día 22 d'Ochobre pa que la información llegue a cuanta más xente meyor.

Tamién-vos voi pegar la información alrodiu de lo que va a ser la compe que-nos llegó por corréu lletrónicu y que la asociación colgó nel so blog (agujadesobia.blogspot.com):

"Seguimos funcionando. El 22 d'Ochobre vamos organizar un maratón de Bloque'n El Cantu (Entrago - Teberga). L'Oxetivu ye reuninos toos y toes en El Cantu pa pasar el día blocando a muerte, fasta que-nos caigan les uñes. Punximos una cuota de 5€ qu'incluye una espicha nel bar La Parra. Palos que quieran midir les sos fuercies cola roca tendrán la opción d'apuntase a la competición y optar a unos de los premios (Categoría absoluta, moza, así como al primer y primera teberganu y tebergana). El restu podrá tamién disfrutar de los bloques nun ambiente más relaxáu intentado guetar la sencia del movimientu.
Asina que-vos esperamos a toos y toes el día 22 d'Ochobre de 10 a 11 nel Parking d'Entrago pa pasar un bon ratu, rises y comedia aseguráes."

Pos eso ye lo qu'hai. Dexuru que-nos vemos ellí. Un saludu a toos y toes. Alba.